2 Kings 19

Ukukhululwa kwelizwe lakoJuda

1Kwasekusithi lapho inkosi uHezekhiya isizwile, yadabula izigqoko zayo ^a, yazembesa ngesaka ^b, yangena endlini yeNkosi ^c. 2Yasithuma uEliyakhimi owayephezu kwendlu, loShebina umabhalane, labadala babapristi, bembeswe ngamasaka ^d kuIsaya umprofethi indodana kaAmozi ^e. 3Basebesithi kuye: Utsho njalo uHezekhiya: Lolusuku lusuku lohlupho lolokusolwa lolokweyiswa; ngoba abantwana sebefikile emlonyeni wesizalo, kanti kakulamandla okubeletha. 4Mhlawumbe iNkosi uNkulunkulu wakho izakuzwa wonke amazwi kaRabi-Shake ^f, inkosi yeAsiriya inkosi yakhe eyamthumayo, ukuthi aklolodele uNkulunkulu ophilayo ^g; njalo izasola amazwi ^h iNkosi uNkulunkulu wakho ewezwileyo ⁱ: Ngakho phakamiselani insali etholakeleyo umkhuleko ^j. 5Izinceku zenkosi uHezekhiya zasezifika kuIsaya. 6UIsaya wasesithi kuzo: Lizakutsho njalo enkosini yenu: Utsho njalo uJehova: Ungesabi amazwi owezwileyo inceku zenkosi yeAsiriya ezingithuke ngawo ^k. 7Khangela, ngizafaka ^l umoya kuyo ^m, njalo izakuzwa ihungahunga, ibuyele elizweni layo; ngizayenza ukuthi iwe ngenkemba elizweni layo ⁿ.

8URabi-Shake wasebuyela, wafica inkosi yeAsiriya isilwa imelene leLibhina ^o; ngoba wayezwile ukuthi isisukile eLakishi ^p. 9Kwathi isizwa ngoTirihaka ^q inkosi yeEthiyophiya ^r kuthiwa: Khangela, uphumile ukuyakulwa emelene lawe, yabuya yathuma izithunywa kuHezekhiya, isithi: 10Lizakhuluma kanje kuHezekhiya inkosi yakoJuda, lithi: UNkulunkulu wakho omthembileyo ^s kangakukhohlisi esithi: IJerusalema kayiyikunikelwa esandleni senkosi yeAsiriya ^t. 11Khangela, wena usuzwile ukuthi amakhosi eAsiriya enzeni kuwo wonke amazwe, ngokuwatshabalalisa. Wena-ke uzakhululwa yini? 12Onkulunkulu bezizwe bazikhululile yini, obaba abazichithayo ^u, iGozani ^v leHarani ^{w , x} leRezefi labantwana bakaEdeni ^y ababeseTelasari ^z? 13Ingaphi inkosi yeHamathi ^aa, lenkosi yeArpadi ^ab, lenkosi yomuzi weSefavayimi, iHena, leIva?

14UHezekhiya waseyemukela incwadi esandleni sezithunywa, wayibala, wasesenyukela endlini yeNkosi, uHezekhiya wayichaya phambi kweNkosi ^ac. 15UHezekhiya wasekhuleka phambi kweNkosi ^ad, wathi: Nkosi, Nkulunkulu kaIsrayeli, ohlala phakathi kwamakherubhi* ^ae, wena unguNkulunkulu, wena wedwa, wayo yonke imibuso yomhlaba; wena wenze amazulu lomhlaba ^af. 16Nkosi, thoba indlebe yakho, uzwe ^ag, Nkosi, vula amehlo akho, ubone ^ah; uzwe amazwi kaSenakheribi amthume ngawo ukuklolodela uNkulunkulu ophilayo ^ai. 17Qiniso, Nkosi, amakhosi eAsiriya azichithile izizwe lelizwe lazo, 18aphosela onkulunkulu bazo emlilweni; ngoba babengeyisibo onkulunkulu, kodwa umsebenzi wezandla zabantu, izigodo lamatshe; ngakho bababhubhisa ^aj. 19Ngakho-ke, Nkosi Nkulunkulu wethu, ngicela usisindise esandleni sakhe, ukuze yonke imibuso yomhlaba yazi ukuthi wena uyiNkosi uNkulunkulu, wena wedwa ^ak.

20UIsaya indodana kaAmozi wasethumela kuHezekhiya esithi: Itsho njalo iNkosi, uNkulunkulu wakoIsrayeli: Lokho okukhuleke kimi mayelana loSenakheribi inkosi yeAsiriya ngikuzwile ^al. 21Yileli ilizwi iNkosi elikhulume mayelana laye: Intombi emsulwa, indodakazi yeZiyoni, iyakudelela, iyakuklolodela ^am; indodakazi yeJerusalema inikina ikhanda ngemva kwakho ^an. 22Ngubani omeyisileyo ^ao wamhlambaza ^ap? Njalo uphakamisele bani ilizwi, waphakamisela amehlo akho phezulu? Umelene loNgcwele kaIsrayeli ^aq. 23Ngesandla sezithunywa zakho uyeyisile iNkosi ^ar, wathi: Ngobunengi bezinqola zami ngenyuke indawo ephezulu yezintaba ^as, inhlangothi zeLebhanoni ^at. Ngizagamula imisedari yayo emide, lamafiri ayo akhethekileyo ^au. Ngizangena endaweni yokuhlala yamaphethelo ayo, igusu eliminyeneyo ^av. 24Mina ngagebha nganatha amanzi angaziwayo, langengaphansi yenyawo zami ngomisa yonke imifula yezindawo ezivinjelweyo. 25Kawuzwanga yini ukuthi ngakwenza endulo ^aw, ngakubumba ensukwini zendulo. Khathesi ngikufikisile, ukuthi ube ngowokudiliza imizi evikelweyo ibe zinqumbi zamanxiwa ^ax. 26Ngakho abahlali bayo babelesandla esifitshane, besaba babe lenhloni, baba njengotshani beganga lemibhida eluhlaza ^ay, utshani bempahla, lamabele ahanguliweyo engakami ^az. 27Kodwa ngiyakwazi ukuhlala kwakho lokuphuma kwakho lokungena kwakho lokungithukuthelela kwakho ^ba. 28Ngenxa yokungithukuthelela kwakho, lokuthi umsindo wakho wenyukele endlebeni zami, ngizafaka umkhala wami emakhaleni akho, letomu lami endebeni zakho ^bb, ngikwenze ubuyele ngendlela oweza ngayo ^bc.

29Lokhu-ke kuzakuba yisibonakaliso kuwe ^bd; lonyaka uzakudla okuzikhulelayo ^be, langomnyaka wesibili umkhukhuzela, kuthi ngomnyaka wesithathu lihlanyele livune, lihlanyele izivini lidle izithelo zazo. 30Lokuphephileyo kwendlu yakoJuda ^bf okuseleyo kuzaphinda kugxumeke impande phansi, kuthele izithelo ngaphezulu. 31Ngoba kuzaphuma eJerusalema insali, lokuphephileyo entabeni yeZiyoni. Ukutshiseka kweNkosi yamabandla kuzakwenza lokhu ^bg. 32Ngakho utsho njalo uJehova ngenkosi yeAsiriya: Kayiyikungena kulumuzi, kayiyikutshoka umtshoko khona, kayiyikuza phambi kwawo ilesihlangu, kayiyikubuthelela idundulu maqondana lawo ^bh. 33Ngendlela eyeza ngayo, ngayo izabuyela ^bi, kayiyikungena kulo umuzi, itsho iNkosi. 34Ngoba ngizawuvikela lumuzi ukuwusindisa ^bj, ngenxa yami, langenxa kaDavida inceku yami ^bk.

35Kwasekusithi ngalobobusuku ^bl ingilosi yeNkosi yaphuma ^bm yatshaya enkambeni yamaAsiriya izinkulungwane ezilikhulu lamatshumi ayisificaminwembili lanhlanu. Lapho bevuka ekuseni kakhulu, khangela, bonke babeyizidumbu ezifileyo ^bn. 36Ngakho uSenakheribi inkosi yeAsiriya wasuka wahamba wabuyela, wahlala eNineve ^bo. 37Kwasekusithi ekhonza endlini kaNisiroki unkulunkulu wakhe, oAdrameleki loSharezeri ^bp amadodana akhe bamtshaya ngenkemba, bona baphephela elizweni leArarathi ^bq. UEsarihadoni indodana yakhe wasebusa esikhundleni sakhe ^br.